Advertisement
Kveldsete – ein intimkonsertserie med Osterøy spel- og dansarlag i samarbeid med Osterøy museum.
Nemninga “kveldsete” stammar frå eldre tider og vart brukt om tida ein sat oppe frå mørket kom og fram til leggjetid. I dette tidsrommet var det ofte at ein delte musikk og forteljingar med kvarandre. Osterøy spel- og dansarlag ynskjer å utnytta potensialet som ligg i kveldsetetradisjonen og etablera ein eigen serie med intimkonsertar, der utøvarar frå det lokale folkemusikkmiljøet står for innhaldet i solo- og samspel. Tidsramma vil vera omlag ein times konsert og alt føregår akustisk, tett på publikum.
På den andre kveldseta kjem hardingfelespelarane Silje Solberg og Ingvild Kleiveland Vevle. Desse to har spelt saman sidan januar 1993, då Silje som åtteåring byrja å spela og Ingvild som elleveåring vart sett til å vera læraren hennar. Samspelet held fram enno, og denne kvelden deler dei slåttar og slåttestev med tilhøyrarane. Det vert òg ein del solospel. Silje og Ingvild er opptekne av å formidla lokalt slåttemateriale frå Osterøy og omlandet rundt.
Me ser fram til ei stemningsfull kveldsete med den koselege Revheimsstova på Osterøy museum som fin ramme rundt musikken.
Merk at det er avgrensa med plassar, så dei som vil vera sikre på å få plass, gjer lurt i å tinga billett.
Tidspunkt: onsdag 27. november kl. 19.00. Dørene opnar ca. 18.30
Pris: 100,-
Sjå òg info på Osterøy museum sine heimesider:
https://muho.no/osteroymuseum/kveldsete-i-revheimsstova
Kveldsete-serien er sponsa av lokale midlar frå Sparebanken Vest. Me takkar for støtta!
Foto: Dagrun Slettebø Daltveit
Advertisement
Event Venue & Nearby Stays
Osterøy museum, Bergen, Norway
Tickets
