Advertisement
MADS LANGER Í LØKSHØLLNú fyrireikingarnar til árligu Mentanarvikuna í Runavíkar kommunu av álvara eru farnar ígongd er tað ein fragd at kunngera, at tað verður danski Mads Langer, sum í ár leggur navn og tónleik til høvuðskonsertina leygarkvøldið 26. apríl kl. 21.00. Talan er um eina nærkonsert, har allir teir góðu sangirnir eru í hásæti. Mads Langer spælir klaver og gittar, og við sær á pallin hevur hann bassleikaran Oliver McEwan.
Fyri júst 20 árum síðani debuteraði Mads við staklagnum 'Breaking News', og síðani tá hevur hann givið út ørgrynnu av sokallaðum 'hittum'; m.a. 'Elephant', 'Fact Fiction', 'Flawless' og 'Overgir' mig langsomt' og 'Drømmeland'. Síðani fyrstu heildarútgávuna frá 2006 hevur hann givið út 6 aðrar heildarútgávur, umframt at hann hevur framført á alskins festivalum og fyri fullsettum konserthølum. Nýggjasta heildarútgávan, 'Kærlighed & Frygt' kom út í oktober í fjør, og hetta er fyrsta útgávan við donskum tekstum. Í kjalavørrinum av útgávuni hevði hann 27 konsertir runt um í Danmark.
Føroyingar kenna uttan iva eisini Mads frá tónleikasendirøðini 'Piano' á TV2, sum nýliga hevur verið víst í Kringvarpi Føroya, har Mads var ein av serfrøðingunum saman við klaverleikaranum Tanju Zapolski.
Mads er enn sum áður sera virkin sangskrivari og seinasta útspælið hjá honum er staklagið 'Raketter' frá desember 2024.
Vit gleða okkum sera nógv at bjóða Mads Langer á pallin í Løkshøll.
Atgongumerki á loksholl.fo
Advertisement
Event Venue & Nearby Stays
Rókarvegur 1, 620 Runavík, Faroe Islands, Rókavegur 1, FO-620 Runavík, Føroyar,Runavík, Tórshavn, Faroe Islands
Tickets
