Advertisement
KAYSER CUP 2025 ⚽️🏆🥇⌚️📅No de fënnef iwweraus gelongenen Editiounen vun 2018 bis 2020 an 2023 & 2024 kënnt et vum 7. bis 12. Januar 2025 zur sechster Ausgab vun eisem Fussball-Indoortournoi KAYSER CUP an der Sportshal „Am Bongert” zu Rouspert.
Wéi bei de fënnef éischten Ausgaben, wou jeeweils méi wéi 2500 Leit déi ganz Woch iwwer an der Hal waren, wäerten och des Kéier nees sämtlech Alterskategorien vertrueden sinn, ugefaangen mat eisen Klengsten, iwwer eis Dammen, Veteranen an Senioren.
Dat speziellt um KAYSER CUP ass, datt mir op méi grouss Goaler spillen a mat Banden, esou wéi een et an Däitschland gesäit. Et ass dëst och den eenzegen Tournoi zu Lëtzebuerg ënner dëser Form.
Déi sechs Deeg iwwer, wou 127 Ekippen mat méi wéi 1000 Spiller bei 21 verschidden Turnéieren wäerten am Asaz sinn, ass deemno während ca. 2700 Minutten a bei 265 Matcher fir Topspektakel an och fir eng Lightshow tëscht den Matcher an der Hal gesuergt.
Weider steet dat ganzt ënnert dem Patronage vun der Martine & Bertram Pohl Foundation, déi sech zum Zil gesat huet e.a. national an international Projeten am Beräich vun Kanner an Jugendlecher, wéi och den Déiereschutz ze ënnerstëtzen. Weider Infoen fannt Dir ob hirem Site www.mbp-foundation.org.
Während dem ganzen Turnéier wäert selbstverständlech fir Iessen an Drénken an der Buvette "Am Bongert" beschtens gesuergt sinn.
Den Entrée ass déi ganz Woch iwwer fräi.
Am Viraus seet den FC Victoria och sengen zahlräiche Sponsoren, Ballspender an Donateuren e grousse Merci fir hir Ënnerstëtzung beim Kayser Cup 2025.
👉 https://bit.ly/4fb92E7
Advertisement
Event Venue & Nearby Stays
Kayser-Cup - Fussball am Bongert, Echternach, Luxembourg
