Name: Julekonsert med Line Dybedal
Start: 2025-12-14T18:00:00+01:00
Location: Hyllestad kyrkje

Line Dybedal duo inviterer til julekonsert i Hyllestad Kyrkje.

Artisten frå Selje si evne til å skrive tekstar som rører ved hjartet, og hennar måte å formidle på, har ført til radiosuksessar som «På ei øy», «Bli med heim» frå NRK-serien med same namn, «Ønsket mitt» og «Et slør av lys». Tekstane er nære og ektefølte, og musikken er drøymande og kjenslevar. Med ei stemme som rører hjartet, stemningsfulle låtar - i kombinasjon med funklande tonar frå gitarist Johannes Nøkling Aagaard vert dette ei varm og fredfull stund midt i førjulsstria.
Her får du høyre eigne julelåtar, fjorårets julesingel, mykje spelt på P1 «Ønsket mitt» (ei ny, norsk tolking av Have Yourself a Merry Little Christmas), og nokre av dei kjende og kjære julesongane og salmane – ramma inn av historier om folk, liv og lys i mørketida. Konserten har eit enkelt, akustisk uttrykk med levande lys og varme tonar. Her handlar det ikkje om glitter og stas, men om ro, nærleik og musikk som rører – ei stund der julefreden får senke seg.
Velkomen til ei musikalsk pustepause i mørketida.
Konsertstart: 18.00
Billettar kjøpast i døra: 350,- vaksne / 100,- born

Velkomne!