Advertisement
Julekonsert i Arna kyrkje 18. desember kl. 19Kyrkjekoret 50 år
I 2025 er det 50 år sidan Arna kyrkekor såg dagens lys. Dette skal markerast med ein julekonsert i stort format. Repertoaret blir svært variert – nytt og gamalt, tradisjonelt og utradisjonelt hand i hand – alt knytt til jul og advent.
Til denne konserten har kyrkjekoret invitert med seg «vener». Her har nemleg songarar som ikkje er faste medlemmar i koret, òg fått høve til å delta gjennom prosjektkor.
I tillegg til kyrkjekor og prosjektkor får me høyre sjølvaste Marianne Juvik Søbø saman med den stigande stjerna Elias Salbu, som mellom anna har hatt stor suksess på lysfesten i Bergen.
Oda Steinkopf er utdanna jazzbassist frå jazzlinja i Trondheim og har nyleg fullført ein master i vokal ved ICMP (Institute of Contemporary Music Performance) i London. Ho deltok mellom anna i den tyske finalen i Eurovision Song Contest med bandet The Great Leslie.
Victoria Hop er eit ungt songtalent som, trass i si unge alder, allereie har vore solist på dei store scenene.
Cathrine Snipsøyr er Arna kyrkje si eiga gullstrupe, som har gleda mange gjennom utallige konsertar i kyrkjene i Bergen.
Elles i bandet får me oppleve nokre av dei mest framstormande unge musikarane som det yrande musikklivet i Bergen har å by på: Sigurd Steinkopf - trommer og Ørjan Hammer Vollvik - trompet
Kantor Olav Arne Steinkopf er musikalsk ansvarleg og vil vere kapellmeister på konserten. Tone Synnøve Øygard Steinkopf, korpedagog og domkantor i Molde, vil vere dirigent.
Det er gratis inngang, men det er høve til å gje kollekt ved utgangen.
Arrangør for konserten er Arna sokneråd.
Konserten har støtte frå "Aktivitetsmidler for kor", Bergen kommune og "BKF kulturmidler"
Advertisement
Event Venue & Nearby Stays
Lakslia 21, 5261 Indre Arna, Norway, Lakslia 21, 5261 Indre Arna, Norge, Bergen, Norway
Concerts, fests, parties, meetups - all the happenings, one place.
