Advertisement
Jacques De Villiers, die skrywer en sanger beter bekend as JNDR, het in 2013 sy eerste album vrygestel wat twee Ghoema-toekennings, 'n Tempo-toekenning, asook 'n Woordfees-toekenning verower het. Hierdie toekennings was onder andere vir ‘Beste Kontemporêre Album deur 'n Manlike Kunstenaar’ en ‘Nuweling van die Jaar’.Alhoewel hy nie musiek maak vir 'n spesifieke gehoor nie, maar eerder omdat musiek vir hom 'n manier is om die lewe te beleef en te beskryf, was hierdie toekennings 'n sweeftuig wat sy werk aan 'n groter gehoor bekend gestel het en wat nou al tien jaar lank en vier Albums later sy loopbaan ondersteun. Hy is dankbaar vir die lojale volgellinge van sy musiek.
Sy tweede album, ‘Die Wereld binne my’, het ook twee Ghoemas behaal asook 'n SAMA-toekenning. ‘Die wereld binne my’ is aangewys as die ‘Liedjie van die Jaar’ by die Ghoema-toekennings. Daarna stel hy ‘Someraarde’ vry in 2019, en verlede jaar sy nuutste album, ‘Die Vallei’, wat ook ‘n Aitsa-toekenning gewen het en genomineer was vir ‘n SAMA.
Hy het sy graad in Jazz Klavier voltooi by die Tshwane Universiteit van Tegnologie, en stel ook in sy ‘Live’ shows soms 'n paar jazz-werke ten toon.
Hierdie jaar begin hy 'n nuwe projek wat 'n hele nuwe styl aan sy musiek vlerke gee - 'n alternatiewe rock band, met die naam ‘JNDR Seuns van Vlug’.
Gaan volg hierdie nuwe projek solank op Instagram. Die eerste musiek word Maart 2025 vrygestel.
Advertisement
Event Venue & Nearby Stays
ReedValley Farm, R327, 6500 Mossel Bay, South Africa, Reedvalley, Mossel Bay, South Africa,Danabaai, Western Cape, South Africa
Tickets
