Name: Ittri minn Malta – Mons Dusina u l-Inkwiżizzjoni Rumana 1574-75
Start: 2025-10-16T19:00:00+02:00
Location: Inquisitor's Palace - National Museum of Ethnography, Malta

$Ittri minn Malta \u2013 Mons Dusina u l-Inkwi\u017cizzjoni Rumana 1574-75$

Heritage Malta tistiednek għat-taħdita li jmiss fis-sensiela dwar l-Inkwiżizzjoni, ippreżentata mill-Professur Carmel Cassar, nhar il-Ħamis 16 ta’ Ottubru, fis-7.00pm fil-Palazz tal-Inkwiżitur, il-Birgu.
Din id-darba se niffokaw fuq Monsinjur Pietro Dusina, Viżitatur Appostoliku f’Malta fl-1574–75, li organizza mill-ġdid it-Tribunal tal-Inkwiżizzjoni u saħħaħ il-kontroll fuq il-prattiki reliġjużi wara nuqqasijiet serji qablu. Permezz tal-ittri tiegħu lill-Kardinal Scipione Rebiba f’Ruma, Dusina rrakkonta l-isfidi li affaċċja, fosthom il-kunflitti mal-Isqof Royas, il-laxkezza morali fis-soċjetà u d-dixxiplina fqira fost il-kleru.
Huwa ħadem biex jirriforma l-kleru, isaħħaħ l-istruzzjoni reliġjuża, u jpoġġi l-Inkwiżizzjoni f’qafas ġdid allinjat mar-Riforma Kattolika, u emmen bis-sħiħ li tribunal b’saħħtu kien essenzjali biex jifforma s-soċjetà Maltija.
Il-postijiet huma limitati – erfa’ l-post tiegħek permezz ta’ donazzjoni ta’ €5 fuq Store – Heritage Malta jew mill-mużewijiet u s-siti ta’ Heritage Malta.