Advertisement
IGLO STORTORGET:S - Nuvttá konsearttat duorastaga ja bearjadagaIglo-prográmma bearjadaga guovvamánu 6. beaivvi:
Konsearttat leat ovttasbarggus Gáisi Sámi giellaguovddážiin.
Buot konsearttat leat nuvttá ja rahpasat buohkaide!
12.00: Manne - mánáidkonsearta
Bearjadaga guovvamánu 6. beaivvi lea Sámi álbmotbeaivi ja dan ávvudit miehtá Romssa. Stortorget:s lea dáiddár Manne gii rahpá doaluid. Glássaiglos šaddá su musihkka stoahkan- ja dovduičuohcci mánáidkonseartan, mas unnit ja stuorát olbmot besset mátkkoštit davvi jiena ja eanadaga mielde.
13.00: Harald Bakkeby Moe ja Stine Maren Steien
Harald ja Stine Maren leaba beaivválaš bargoguoimmit konseartaráiddus, Midnattskonsertene, Romssa duopmogirkus. Goappašagat leaba jagiid mielde bargan ollu iešguđetlágan konsearttain ja čájálmasain, ja repertoáras lea viiddis girjáivuohta ja stiila. Dán konsearttas soai ovdanbuktiba máŋggabealálaš ja rikkis prográmma mas lea fokus Davvi-Norgii. Konsearttas beasat gullat sámi musihka, ságaid, luđiid ja klassihkalaš musihka.
14.00: Manne
Dat mii álggii dego ohcamuš iežas mearrasámi ja davvi-norgalaš identitehtas, lea sturron Herman Rundberga liekkus ja persovnnalaš musihkkaprošeaktan. Manne-prošeavttas son čiekŋuda iežas duogážii árbevirolaš luođi ja mearrasámi sálbmaárbevieruid inspirašuvnnaiguin ođđaáigásaš musihkkagovas.
15.00: Hildá Länsman & Tuomas Norvio
Duo Hildá Länsman & Tuomas Norvio lokteba eahkeda musihkkamáilmmi. Hildá Länsman lea ovtta Sámi nannoseamos vokalisttain, rámis árbevierroguoddi ja luohteovddideaddji. Tuomas Norvio lea Suoma jietnadáiddár, komponista, buvttadeaddji ja musihkkár. Go ovttastahttá árbevirolaš luođi ja ođđaáigásaš elektrovnnalaš musihka, de Hildá ja Tuomas ráhkadeaba báikki gos geahččit besset dánsut, čaibmat ja čierrut.
Advertisement
Event Venue & Nearby Stays
Stortorget, Tromsø, Norway
Concerts, fests, parties, meetups - all the happenings, one place.
