Advertisement
На 11 мај 2025 ќе се одржи уличната трка HALKECO СКОПЈЕ ТРЧА 10КМ.Организатор на трката е Сојузот на спортови на Скопје (кој е организатор на Виз Ер Скопски Маратон и Авицена Женска Трка), во соработка со А.К. Скопски Маратон, А.К.Работнички и со помош на Министерството за внатрешни работи на Република С.Македонија.
Насловен спонзор на HALKECO СКОПЈЕ ТРЧА 10КМ е HalkBanka, а покровители се Министерство за спорт и Град Скопје, но огромна помош и поддршка имаме и од нашите верни спонзори и партнери.
ДАТУМ
11 мај 2025 (недела)
ДОЛЖИНА НА ТРКАТА
10км (еден круг)
СЕРТИФИКАТ НА ПАТЕКАТА
Патеката на HALKECO СКОПЈЕ ТРЧА 10км е измерена и сертифицирана од страна на овластено лице од АИМС https://media.aws.iaaf.org/competitioninfo/10c765df-470e-4e6e-b02d-75cf79002e5b.pdf
ПРИЈАВУВАЊЕ
Пријавувањето трае до 30 април 2025 или до пополнување на предвидениот број на учесници.
ВАЖНО! При процесот на пријавување треба да го одберете вашето таргет време за кое планирате да ја завршите трката. Ве молиме да бидете реaлни и да не оставате неточни таргет времиња. Промена на таргет време нема да биде возможнa после завршување на пријавата.
СТАРТ
Стартот е во 09.00 часот. Учесниците ќе бидат распоредени во 5 стартни боксови според таргет време.
СТАРТНА ЗОНА
Учесниците на стартот ќе бидат распоредени во 5 стартни боксови според вашето таргет време кое ќе го одберете при процесот на пријавување.
Таргет времињата се следни:
зона 1 - таргет време под 45:00
зона 2 - таргет време од 45:01 до 50:00
зона 3 - таргет време од 50:01 до 55:00
зона 4 - таргет време од 55:01 до 1:00:00
зона 5 - таргет време над 1:00:01
Доколку не одберете таргет време при процесот на пријавување нема да можете да ја направите пријавата, ова е задолжително опција. На стартниот број ќе биде обележано вашето таргет време и нема да може да влезете во стартен бокс со друго таргет време.
Што е таргет време? Ако планирате дека трката од 10км може да ја истрчате за време од 52 минути, тогаш тоа е вашето таргет време и треба да одберете дека ќе стартувате во таргет време од 50:01 до 55:00.
РЕЗУЛТАТИ
Резултатите ќе бидат според Gun Time, а во листата на резултати ќе биде објавено и вашето Чип време.
ТИМСКИ НАТПРЕВАР
Дали трчате од некоја компанија, или можеби сте поголема група на пријатели? Пријави ја својата екипа за рангирање на екипен пласман на трката на 10км.
ПАТЕКА
Стартот на трката ќе биде на бул. Илинден (во близина на фонтана Лотус). На истото место ќе биде и целта на трката. Ќе се трча по бул. Илинденска и дел од бул. Партизански Одреди.
ВРЕМЕТРАЕЊЕ
Сите тркачи треба да ја завршат трката за 90 минути, после овој временски период ќе бидат замолени да ја напуштат патеката на трчање.
ПОДИГАЊЕ НА СТАРТНИ ПАКЕТИ
Подигнувањето на стартните пакети ќе биде на 9 и 10 мај 2025 година во СЦ Јане Сандански (до игротека Бајка) во Аеродром од 12:00-18:00 ч.
ДОПОЛНИТЕЛЕН ПРОДУКТ - DRY FIT МАИЦА
Како дополнителен продукт при процесот на регистрација може да купите dry fit маица со логото на трката. Цената на маицата е 600 денари и може да се купи до 31 матѕ 2025. Доколку купите маица истата ќе ја добиете при подигање на стартниот број.
НАГРАДИ ЗА ТРКАТА НА 10КМ
Во трката на 10 км првите 5 места во машка и женска конкуренција ќе бидат парично наградени.
1 место - 30.000 ден.
2 место - 20.000 ден.
3 место - 15.000 ден.
4 место - 9.000 ден.
5 место - 6.000 ден.
Со дипломи и пехари ќе бидат наградени првите 3 места во следниве возрасни категории: од 35 до 44 год, од 45 до 54 год., и 55 + год. Церемонијата на доделување на наградите ќе започне во 10:30 часот, по завршување на трката.
ФОТОГРАФИИ ОД ТРКАТА
За време на трката ќе бидете фотографирани на повеќе локации на патеката. На вашиот стартен број ќе бидат поставени QR кодови за препознавање и истите не треба да се покриваат доколку сакате да имате фотографии од трката.
После трката ќе бидете информирани како да дојдете до вашите фотографии.
Advertisement
Event Venue & Nearby Stays
Фонтана Лотосов цвет, Skopje, Macedonia, The Former Yugoslav Republic Of
