Name: GOUD
Start: 2024-11-30T18:00:00+02:00
End: 2024-11-30T22:00:00+02:00
Location: Daisy Jones Bar

ATKV-Crescendo vier vyftig jaar van talentontginning en -ontdekking by die Daisy Jones-teater buite Stellenbosch. Ons gaan groot en ons gaan GOUD met Crescendo-legendes soos Karin Hougaard, Petronel Baard en Rouel Beukes wat saam met meer onlangse legendes soos Selby Williams, Lucia Poggenpoel en Alzanley Lizemore musikale huldeblyke gaan bring aan kunstenaars soos Anneli van Rooyen, Jak de Priester en Rina Hugo wie se musikale loopbane met die hulp van Crescendo vlerke gekry het.
Stof af daardie aandpakke, vryf blink daardie diamante en koop jou kaartjie vir ATKV-Crescendo: GOUD by www.crescendo.org.za om seker te maak jy is deel van hierdie onvergeetlike aand. Gewone kaartjies is R250 per persoon. Teen R500 vir ’n BBP-kaartjie kan jy saam met die kunstenaars ’n glasie van ATKV-Crescendo se eksklusiewe wynreeks en iets te ete voor en ná die vertoning geniet.