Advertisement
Frískleikarnir – ferðalag um vávexti og vænmeti! Krónan og hönnunarteymið Studio Pluto kynna Frískleikana, fræðandi ævintýri fyrir börn í ávaxta- og grænmetisdeild Krónunnar. Með þessu skapandi samstarfsverkefni hvetjum við fjölskyldur til að verja meiri tíma í þessum litríka hluta verslunarinnar og stuðla að aukinni neyslu á ferskri og hollri fæðu.
Í Krónunni á Granda verða fjórar stöðvar settar upp í ávaxta- og grænmetisdeildinni dagana 4.–6. apríl, á meðan HönnunarMars fer fram. Á milli stöðvanna liggur sérmerktur slóði með skemmtilegum og fróðlegum skilaboðum sem leiða börnin í gegnum upplifunina. Þau fá tækifæri til að kynnast vávöxtum og vænmeti á lifandi hátt, leysa einfaldar þrautir og taka virkan þátt í innkaupaferlinu með fjölskyldunni.
Með þessu verkefni vilja Krónan og Studio Pluto gera ávexti og grænmeti aðlaðandi og spennandi fyrir yngri kynslóðina, hvetja fjölskyldur til að skoða og velja ferskvörur saman og stuðla að heilsusamlegri og sjálfbærari lífsstíl með aukinni neyslu á næringarríkri fæðu. Jafnframt er markmiðið að skapa skemmtilega og fræðandi upplifun í versluninni þar sem börn upplifa hollustu sem leik og ævintýri.
Verkefnið verður frumsýnt á hönnunarsýningunni Fruitful Futures II í Krónunni Granda á HönnunarMars og sýnir hvernig hönnun getur gert hollustu að leik og lærdómi fyrir unga neytendur.
Advertisement
Event Venue & Nearby Stays
Fiskislóð 15, 101 Reykjavíkurborg, Ísland, Fiskislóð 15, 101 Reykjavíkurborg, Ísland,Reykjavík, Iceland