Advertisement
Verið hjartanlega velkomin að fagna útgáfu matreiðslubókarinnar Fræ eftir Örnu Engilbertsdóttur í bókabúð Sölku miðvikudaginn 27. nóvember kl. 17. Léttar veitingar, bókin fallega á útgáfutilboði, höfundur áritar og gleði í lofti!Um bókina:
Fræ hefur að geyma rúmlega hundrað fjölbreyttar uppskriftir að gómsætum réttum úr plönturíkinu. Uppskriftirnar á síðum bókarinnar eiga það sameiginlegt að vera litríkar og bragðmiklar og það er á allra færi að reiða þær fram.
Grænmeti, ávextir, baunir, heilkorn, hnetur og fræ spila stórt hlutverk þó að fleiri hráefni komi að sjálfsögðu einnig við sögu, ásamt eftirréttum, ýmist sætum með döðlum eða lífrænum sykri. Plönturíkið nærir, hreinsar, styrkir, byggir upp og ver líkamann á óteljandi vegu. Bókin er fullkomin fyrir þau sem vilja fjölga girnilegum grænmetisréttum á matarborðinu.
Fræ er fyrsta matreiðslubók Örnu Engilbertsdóttur en hún trúir því staðfastlega að fegurðin búi í smáatriðunum og brennur fyrir matargerðina. Fallegar ljósmyndir bókarinnar tók Heiðdís Guðbjörg Gunnarsdóttir.
Advertisement
Event Venue & Nearby Stays
Hverfisgata 89-93, Reykjavík, Iceland
