Name: Fjölskyldustund í Bókasafni Kópavogs á VÖKU
Start: 2025-09-20T11:00:00+00:00
End: 2025-09-20T15:30:00+00:00
Location: Hamraborg 6A, 200 Kópavogsbær, Ísland

$Fj\u00f6lskyldustund \u00ed B\u00f3kasafni K\u00f3pavogs \u00e1 V\u00d6KU$

VAKA þjóðlistahátíð býður í fróðlega og þjóðlega fjölskyldustund.
Fjölbreyttar vinnustofur í þjóðlistum fyrir alla fjölskylduna - þjóðlög, dans, handverk o.fl.
Frítt inn og öll velkomin meðan húsrúm leyfir.
Dagskrá:
Barna- og fjölskyldunámskeið í þjóðlagatónlist og dönsum / Family folk song & dance workshop
11:00-11:30 Fyrir 1-5 ára börn og eldri / for 1-5 years and older
11:30-12:00 Fyrir 6 - 11 ára börn og eldri / for 6-11 years and older
Umsjón: Bára Grímsdóttir og Chris Foster

12.30-13:30 Leiðarvísir á langspilið // How to play the langspil
Umsjón: Chris Foster

13.30-15.30 Listasmiðja fyrir alla fjölskylduna. Gamli íslenski krosssaumurinn.
Umsjón: Lára Magnea Jónsdóttir
Textílhönnuðurinn Lára Magnea Jónsdóttir hefur um árabil kennt útsaumsnámskeið hjá Heimilisiðnaðarfélagi Íslands. Á þessu örnámskeiði læra nemendur að sauma fallega prufu með munstri úr Íslensk Sjónabók sem Heimilisiðnaðarfélagið gaf út. Þegar nemendur hafa klárað prufuna sína er tilvalið að nota hana í nálapúða. Námskeiðið hentar fólki á öllum aldri.

//
VAKA þjóðlistahátíð 2025 fagnar lifandi hefðum dagana 15. - 21. september með fjölbreyttum viðburðum fyrir alla fjölskylduna. Á VÖKU 2025 verður í boði að hlýða á marga helstu kvæðamenn Íslands, fræðast og njóta þjóðlagatónlistar frá Íslandi og Noregi, kynna sér nýútgefin íslensk dans- og sönglög frá 19. öld, kynna sér íslenskt handverk fyrri alda sem og sækja erindi og fjölbreyttar vinnustofur um íslenska ljóðlist, íslenskt handverk, þjóðdansa, hljóðfæraleik og danstónlist frá Íslandi, Noregi og Kólumbíu. Boðið verður upp á fjölbreytta samveru í formi samsöngs, dans og samspils, og í lok hátíðar verður haldið málþing um alþýðuhljóðfæraleik í Reykjavík á fyrri öldum.
Allar upplýsingar um hátíðina má finna á www.vakareykjavik.is og á samfélagsmiðlum Vökufélagsins.
Heildardagskrá er að finna á Fb-síðu hátíðarinnar
https://www.facebook.com/events/800814385807452