Name: Felles kontordag
Start: 2026-01-30T10:00:00+01:00
End: 2026-01-30T16:00:00+01:00
Location: Riksscenen

Felles kontordag på DANS DANS DANS
Ein dag for inspirasjon, fagleg påfyll og kollegialt fellesskap!
Treng du innspel til ein ny prosjektidé, drodling kring eit prosjekt i utvikling, eller kanskje hjelp med ein konkret søknad?
Eller kjenner du rett og slett behovet for å ha ein heilt vanleg arbeidsdag – men i selskap med gode kollegaer, kaffikopp og kreative samtalar?
Då er felles kontordag på DANS DANS DANS noko for deg!
Fredag 30. januar inviterer FolkOrg til ein inspirerande dag på Riksscenen, der folkedansarar, folkemusikarar, produsentar og andre aktørar i feltet kan møtast, jobbe side om side og utveksle erfaringar, idear og fagleg støtte.
Vi gjentek suksessen frå i fjor – ein dag som mange meinte gav nytt driv i arbeidet. Gjennom dagen kan du slå deg ned med pc’en, ta ein prat over kaffikoppen eller ta ein uformell prat med nokre av ressurspersonene som er tilstades.
I løpet av dagen er det planlagt seminar med ein ekstern fagperson, meir informasjon kjem seinare.
Denne dagen kan du mellom anna møte:
- Rannveig Øygardslia – produsent, dagleg leiar for Sprang Scene og bookingfirmaet Rivjødn.
- Andreas Ljones – produsent for Riksscenen, med lang fartstid som musikar og prosjekleiar i ei rekkje ulike konstellasjonar og produksjonar.
- Ann Helen Erichsen – prosjektleiar for Folkelarm, rådgjevar for arrangørmedlemmar i FolkOrg og tidlegare festivalsjef for Farsund Folk Festival.
- Representant frå utvalet for yrkesutøvarar i FolkOrg
Her får du høve til å stille spørsmål, hente råd, teste idéar – eller berre finne ro til å jobbe i fellesskap med andre frå miljøet.
Det blir servert gratis lunsj, frukt og kaffi! Vi ber om at alle som kjem registrerer seg ved å trykke "Deltek" i eventet, slik at vi veit kor mange vi skal bestille lunsj til. Har du matallergiar/andre omsyn til mat, send e-post til Live i FolkOrg: [email protected].
Ta med deg notatboka, den halvferdige søknaden, og bli med på ein dag som gir påfyll både fagleg og sosialt.
Arrangementet er ein del av festivalprogrammet til DANS DANS DANS 2026. Les meir om programmet her: https://www.riksscenen.no/dans-dans-dans-2026.6733523-515567.html