Advertisement
Blómamistur / Flower mist,,Þegar ég var að alast upp á Reyðarfirði var ekki margt í boði á myndlistarsviðinu. Ég ákvað að skrá mig á námskeið í postulínsmálun þegar ég var 12 ára, með hóp af eldri konum og lærði þá meðal annars að mála blóm.
Ég fór svo í myndlistarnám síðar í lífinu, en áhrifin frá þessari fyrstu kennslu sem ég hlaut sem barn hafa lifað með mér mjög sterk síðan.
Á sýningunni eru flest verkin máluð yfir gamlar myndir og gömul verk sem ég kaupi í ramma á nytjamörkuðum.
Verkin eru af blómum í fallegum litríkum vösum. Margir blómvendirnir virðast þokukenndir á meðan skörp og litrík mynstrin á vösunum eru skýr.
Heimur blómanna heillar, lífshlaupi blóma svipar á margan hátt til sögu okkar mannfólksins og alls sem lifir. Nýjabrumið sem springur út er órætt og stundum erfitt að sjá hvað verður. Þau þroskast og stækka, litirnir verða sterkari þangað til hápunkti er náð og þau fölna og visna. Blóm heilla hvað mest þegar tíma þeirra er að ljúka. Þá dökkna litirnir, formin verða mýkri - svo fölna þau smám saman og deyja.
Það er vitneskjan um að tími þeirra er stuttur sem vekur eftirvæntingu og tilfinningaþrungna spennu og við veitum þeim athygli til að fá notið þeirra sem best á meðan tími gefst.
Sýningin er haldin í tengslum við sextíu ára afmæli mitt 1. nóvember.“
Advertisement
Event Venue & Nearby Stays
Ófeigur gullsmiðja, Skólavöðustígur 5, 101 Rvk., Tösku og Hanskabúðin, Skólavörðustígur 7, 101 Reykjavíkurborg, Ísland, Reykjavík, Iceland
Concerts, fests, parties, meetups - all the happenings, one place.