Advertisement
“Pennies op die spoor” is ‘n Viering van die musiek-erfenis van een van Afrikaans se grootste liedjieskrywers, Stef Kruger. Die vertoning spog met die talente van Blackie Swart, Jannie Moolman, Riku en Jackie Lätti, Schalk Maas, Petronel Baard en die meester self, Stef Kruger.
Die eerste vertoning vind plaas op Vrydag 26 Julie 2025 by ReedValley, Mosselbaai.
“Ek werk sedert 2014 saam met Stef en sedert 2017 toer ons gereeld saam as ‘Verdubbel die Geluk’.
Ek is uiteraard ‘n groot bewonderaar van sy musiek en soos ons spore oor die land geloop het, eggo sy woord- en musiekkuns ook ons landskap vir my.
Ons het saam met Riku en Jackie opgeneem op Die Wasgoedlyn Vol.3, een aand laat na ‘n wonderlike vertoning in Gordonsbaai saam met hulle en het wéér laasjaar saam met hulle aan ‘Die Wasgoedlyn’ gehang.
Ons toer saam met Schalk Maas en Soetmelk as “Triptruuk” sedert 2018 na ‘n baie suksesvolle vertoning by Die Boer Teater restaurant in 2017 met net oorspronklike musiek in Afrikaans.
Blackie Swart en Stef ken mekaar al sedert hul saam in die SAP orkes gespeel het, dit is jare se vriendskap rondom musiek. Hulle tree ook soms saam op as “Skoppensboer” en is ‘n heerlike, tonekrul-lekker musikale kombinasie.
Jannie Moolman en Stef ken mekaar ook al vir baie jare, Jannie het een van Stef se liedjies opgeneem en is ‘n erkende bewonderaar van die Liedjiereus se sonderlinge pennevrug.
Daarom is al dié musikante saam te sien op een verhoog, want Stef Kruger se musiek is bekend en sy erfenis groot en ons wil dit vier in ‘n ode aan hom en ons hartstaal, Afrikaans.
Gehore kan maar weet, daar gaan baie gelag word en dis die waarheid, maar ook gaan daar baie mooi musiek gemaak word met besonderse, ongeëwenaarde kreatiwteit, want hoe dan anders.
A penny for your thoughts?
Nee, sommer net Pennies op die spoor”.
Petronel Baard
Lang Vrou Produksies
Stef Kruger is in 2024 vir sy lewenslange bydrae tot Afrikaans vereer deur SACMAF, Suid-Afrikaanse Country Musiekstigting.
Advertisement
Event Venue & Nearby Stays
ReedValley Farm, R327, 6500 Mossel Bay, South Africa, Reedvalley, Mossel Bay, South Africa,Danabaai, Western Cape, South Africa
Tickets