Name: 50 ára afmæli Vinagarðs!
Start: 2025-11-17T16:00:00+00:00
Location: Holtavegur 28, 104 Reykjavík, Iceland

$50 \u00e1ra afm\u00e6li Vinagar\u00f0s!$

Á þessu skólaári fögnum við 50 ára afmæli leikskólans Vinagarðs en hann er sjálfstætt starfandi kristilegur leikskóli stofnaður þann 17. nóvember 1975, fyrst staðsettur í Langagerði en nú á Holtavegi í Reykjavík.
Við höfum gert ýmislegt til hátíðabrigða á árinu en nú er komið að afmælisdeginum sjálfum. Á afmælishátíðinni mun nýtt merki skólans verða afhjúpað, börnin syngja, bænir barnanna verða hengdar á tré og runna, afmæliskaka borin fram, gullkorn barna í gegnum árin 50 verða til sýnis auk þess sem sjálf Lína Langsokkur kíkir í heimsókn. Við hvetjum alla fyrrverandi og núverandi nemendur, foreldra og starfsfólk sem og vini skólans og velunnara til þess að koma og fagna með okkur þessum tímamótum.
Trú, von og kærleikur hefur verið okkar leiðarljós í 50 ár og með þau gildi í farteskinu horfum við sannarlega bjartsýn til næstu 50 ára að minnsta kosti!