Advertisement
თბილისის თაფლის ფესტივალი 2024ჩატარების ადგილი: მთაწმინდის პარკი, თბილისი
თარიღი: 28 - 29 სექტემბერი (12:00 – 19:00), 2024 წელი
ორგანიზატორი: საქართველოს მეფუტკრეთა გაერთიანება
მხარდამჭერები: ქალაქ თბილისის მერია, მთაწმინდის პარკი, გარემოს დაცვისა და სოფლის მეურნეობის სამინისტრო
ფასილიტატორი: შვეიცარიის განვითარების სააგენტოს, ავსტრიის განვითარების სააგენტოს და
შვედეთის მიერ დაფინანსებული მერსი ქორფსის კავკასიის ალიანსების პროგრამა 2
მონაწილეები: ქართული თაფლის და ფუტკრის სხვა პროდუქტების მწარმოებელი კომპანიები,
მეფუტკრეთა ასოციაციები, მეფუტკრეობის აღჭურვილობისა და დანადგარების მიმწოდებლები,
სკების მწარმოებლები, ვეტ აფთიაქები, ფიჭის მწარმოებლები, ბოტანიკური ბაღები და სანერგეები.
თბილისის თაფლის ფესტივალზე წარმოდგენილი იქნება ქართული მეფუტკრეობის პროდუქტები თავისი
მრავალფეროვნებით, მასშტაბებითა და წარმატებებით, რომელსაც ამ სექტორმა ბოლო შვიდი
წლის მანძილზე მიაღწია.
ფესტივალი ორი დღის მანძილზე უმასპინძლებს დედაქალაქის მაცხოვრებლებსა და მის სტუმრებს -
28 სექტემბერს დღის 12:00 საათიდან 19:00 საათამდე და 29 სექტემბერს დღის 12:00 საათიდან 19:00
საათამდე.
ფესტივალის ორგანიზატორია საქართველოს მეფუტკრეთა გაერთიანება, რომელიც ამ
ეტაპზე 10 მეფუტკრეთა ასოციაციას, 29 კომპანიას და 5 მსხვილ მწარმოებელ მეფუტკრეს აერთიანებს.
საქართველოს მეფუტკრეთა გაერთიანების ქოლგის ქვეშ 6 900 მეფუტკრეა, ხოლო აქედან 810 ქალი
მეფუტკრეა.
ფესტივალზე წარმოდგენილი იქნება მრავალფეროვანი დახლები, სადაც ვიზიტორებს შეეძლებათ
დააგემოვნონ სხვადასხვა რეგიონიდან ჩამოტანილი საუკეთესო თაფლი, დატესტონ მეფუტკრე
ქალების მიერ დამზადებული ნატურალური კოსმეტიკური საშუალებები, დაათვალიერონ
საქართველოში წარმოებული კლიმატის ცვლილებებზე ადაპტირებული სკები, ხოლო ბოტანიკური
ბაღები და სანერგეები თაფლოვან მცენარეებს გამოფენენ. ფესტივალი სავსე იქნება მუსიკით და
საბავშვო გასართობი ღონისძიებებით.
ფესტივალის გახსნის ცერემონია დაიწყება 28 სექტემბერს 12:00 საათზე.
საქართველოს მეფუტკრეთა გაერთიანების ფასილიტატორია მერსი ქორფსის კავკასიის ალიანსების
პროგრამა 2 შვეიცარიის განვითარებისა და თანამშრომლობის სააგენტოს(SDC), ავსტრიის განვითარების
სააგენტოს(ADC) და შვედეთის ფინანსური მხარდაჭერით.
Advertisement
Event Venue & Nearby Stays
მთაწმინდა, Funicular Bar, თბილისი, საქართველო,Tbilisi, Georgia