Advertisement
إستعدوا لمغامرة مش هتتكرر.. رحلة مميزة لسانت كاترين مع #سراديب.هنزور دير سانت كاترين، وهنطلع جبل موسى، ونعيش مغامرات بين الجبال
رحلتنا هتبدء يوم الجمعة13 ديسمبر وهنرجع القاهرة مساء يوم 14ديسمبر 🥰
رحلتنا بتجمع بين المغامرة والسكينة والأجواء الروحانية، لأننا هنزور أقدس مكان في مصر (الوادي المقدس طوى) وهنطلع جبل موسى اللي تلقى فيه سيدنا موسى الكلمات من ربه، وهنشوف جبل التجلي اللي ربنا تجلى عليه فجعله دكا ♥️
▪️معالم الزيارة:
✅ جبل موسى وحضور الشروق 🌄
✅ رؤية وادي فرش إيليا 🏞️
✅ رؤية جبل التجلي 🏔️
✅ زيارة دير سانت كاترين ⛪
✅ الشجرة العليقة
✅ بئر سيدنا موسى
▪️برنامج الرحلة:
اقرأ التفاصيل كويس جدًا 😀
هنتجمع يوم الجمعة الموافق13 ديسمبر الساعة 12:15 بعد صلاة الجمعة مباشرة في ميدان العباسية أمام برج مصر للسياحة علشان نتحرك الساعة 12:30على جنوب سيناء ⛺.
هنوصل مدينة سانت كاترين بالليل وهناك هنستعد لمغامرة صعود جبل موسى اللي بيعتبر من أكبر القمم الجبلية في مصر، وده الجبل اللي سيدنا موسى وقف عليه وقعد فيه ٤٠ يوم وتلقى الكلمات من ربه (الوصايا العشر).
▪️☝️ ليه بنقول مغامرة؟
لأننا هنطلع أعلى قمة الجبل بارتفاع 2285 متر، والصعود ممهد بمدقات عكس الجبال التانية، ماتقلقش يعني 🫣. كمان هنمشي حوالي 6 كيلو وده هياخد مننا حوالي 4 ساعات مشي، وفيه استراحات موجودة في الجبل على مسافات علشان نستريح فيها شوية 💪.
كمان هيكون معانا دليل بدوي من قبيلة الجبالية، يعني حافظ الجبل زي اسمه 😀.
فوق الجبل هنستمتع بمشاهدة شروق الشمس في أجواء ساحرة 🌅، وهنشوف الجامع الأثري والكنيسة اليونانية ذات الطراز البازيليكي 🥰.
بعدها هنستعد للنزول، وده أمتع حاجة بقى، علشان هنشوف مناظر الجبال من فوق وكمان هنستمتع بمنظر الوديان، وأهمهم وادي فرش إيليا ♥️.
كمان هنشوف جبل التجلي أو الجبل المدكوك، وده الجبل اللي ربنا تجلى عليه.
بعد النزول هندخل على تاني أهم فقرات الرحلة وهي دخول دير سانت كاترين الرائع، وهنشوف تفاصيل مهمة وكمان أيقونات نادرة. مش بس كده، ده كمان هنشوف الشجرة العليقة وهنعرف قصتها بالتفصيل، وهنشوف بئر سيدنا موسى الموجود داخل الكنيسة، ويُقال إنه البئر اللي سيدنا موسى سقى منه لبنات شعيب ♥️.
وبكده هتنتهي رحلتنا بعد شعورنا بالسكينة واستمتاعنا بجمال الطبيعة وإحنا وسط الجبال العالية واللحظات الروحانية اللي مش هتنساها.
ممكن نروح بعد الجولة مكان بدوي رائع نفطر فيه فطار بدوي حسب رغبتكم ( إختياري )
بعدها هنركب الباص علشان نرجع القاهرة، بحيث هنكون في ميدان عبد المنعم رياض الساعة 9 مساءً.
الرحلة دي مناسبة لكل عشاق المغامرة والطبيعة والتاريخ والتصوير.
غير مناسبة للأطفال وكبار السن والمرضى، وتحديدًا اللي عنده خشونة أو مشاكل في القدم.
▪️حاجات ضروري تكون معاك:
🔸لازم تكون عامل حسابك في لبس تقيل جدًا لأن درجة الحرارة فوق ممكن توصل لـ 3 تحت الصفر،
وأول طبقة تحت الهدوم لازم تكون بوليستر سواء تيشرت او بنطلون داخلي وبعدها طبقة صوف لو متوفر
ويفضل ماتلبسش اللبس كله وإنت طالع الجبل علشان ماتعرقش من الحركة وتتعب بعد كده، فالافضل تتقل قبل الصعود مباشرة .
🔸جاكيت ويفضل يكون ضد الماء (Waterproof).
🔸يفضل نلبس بنطلونين (الداخلي بوليتسر والخارجي بلاش بلاش يكون جينز يعني يكون فضفاض ومريح وتقيل)
🔸جوانتي وكوفية.
🔸دفاية أو بطانية خفيفة، وخفيفة علشان ماتحسش بتقلها وإنت طالع.
🔸شوز خفيف بلاش جلد ولو متاح شوز من ديكاتلون يبقى تمام مع شراب تقيل وطويل أو شرابين.
🔸كشاف رأس لو متاح، وبلاش تستهلك كشاف الموبايل علشان هيفصل منك خلال ساعة.
🔸باور بانك لو متاح.
🔸زجاجة مياه كبيرة أو اتنين لأن المياه فوق غالية.
🔸سكريات تدي باور زي التمر والشوكولاتة والبسكويت بالعجوة وممكن علبة عصير .
🔸ياريت بلاش تطلع معاك حاجات ملهاش لازمة علشان ماتحسش بالتعب، خد المهم فقط ويكون معاك شنطة ضهر.
🔸ياريت لو حد بياخد أدوية معينة يبلغنا بيها ويجبها معاه
▪️تكلفة الرحلة: 1100جنيه
شاملة:
الذهاب والعودة بأتوبيس حديث
دخول محمية سانت كاترين
صعود جبل موسى
زيارة دير سانت كاترين
الدليل البدوي
الإشراف
▪️للحجز والاستعلام:
الرجاء التواصل على الأرقام التالية:
01229876683
01559814486
01004331115
▪️تأكيد الحجز:
عن طريق تحويل الاشتراك على فودافون كاش أو إنستا باي على رقم 01004331115، والاحتفاظ بإشعار التحويل.
لا يمكن استرداد الاشتراك إلا في حالة توفير البديل.
نتمنى لكم قضاء وقتًا ممتعًا مع سراديب 😍
#سراديب
#رحلات_سراديب
#نفتح_أبواب_التاريخ
Advertisement
Event Venue & Nearby Stays
Cairo, القاهرة، محافظة القاهرة، مصر, Egypt
