Advertisement
الرحلة التى طال إنتظارها لزياره كهف الجاره أشهر وأهم كهوف مصر وأفريقيا.
أول رحلات هذا الموسم
رحلة الواحات البحرية بالكامل ( بحيرة المأمور - الدست والمغرفة - عين سيجام ) - والصحرا السودا وجبل الكريستال والصحراء البيضاء القدجيمة والجديدة وكهف الجاره 😮
من الجمعة 8 نوفمبر حتى الأحد 10 نوفمبر
3 أيام - 2 ليالى ........... رحلة ذات طبيعة خاصة.
هيبقا كلهم صحرا بيات وتحرك وأقامة وأكل هنخيم فى الصحرا يومين ونعيش أجواء قبائل زمان وسهراتهم ونستمتع بالنجوم والطبيعة والشروق والغروب والشوى بالليل.
هنلف فيهم الواحات كلها والصحرا السودا والصحرا البيضا كلها تقريباً الجديدة والقديمة هنزور عين السرو وواحة الحيز ووادى العجبات والجبل المخروم والكهف وغرود كروين وكهف الجاره أشهر كهوف مصر وأفريقيا.
---------------------------------------------------------------------------------------
اليوم الأول :
-----------------------------
التجمع فى ميدان عبد المنعم رياض بجوار جو باص
الساعة 12 مساء الخميس 7 نوفمبر ( صباح الجمعة 8 نوفمبر )
التحرك الساعة 1ص بالظبط إن شاء الله
هنوصل على الساعة 6 ص إن شاء الله الواحات نركب العربيات الـ 4×4
هتكون مستنيانا هنطلع على طول على الصحرا السودا نشوفها ونشوف جبالها وجمالها.
بعد كده هنتحرك على واحة الحيز نتفرج عليها ونتغدى هناك وننزل فى عين ميه معدنية ناخد دش من الحر 🙂
وبعدين نكمل جولتنا وندخل وادى العجبات اللى هوه أجمل وادى فى صحراوات مصر وندخل على عين خضرا وعين السرو والجبل المخروم. ونلف شوية نتفرج على معالم الصحرا البيضا ونختار مكان للتخييم فيه ونتعشا لحوم مشوية على الفحم وخضار واحاتى مع شوية شاى واحاتى بالمرمريه معمول على الفحم.
بعد كده هنصور التعالب اللى جت على روائح الشوى 🙂 والنجوم اللى هيبقا الوقت ده رائع لتصويرها وتصوير مجرة درب التبانة.
الأقامة فى خيم ثنائية مع توفر مراتب وسليبنج باج لكل فرد
اليوم التانى :
-----------------------------
هنصحى مع الشروق مع جبال الصحرا البيضا ونفطر وسط جمال الصحرا البيضا والجو الرائع ونتحرك على كهف الجاره نوصل على الظهر ندخل الكهف ونلف شوية ونصور ونرجع تانى على الصحرا البيضا مكان التخييم نتعشى فراخ مشوية على الفحم وخضار واحاتى مع شوية شاى واحاتى بالمرمريه معمول على الفحم ونصور التعالب والنجوم برضه.
اليوم التالت :
-----------------------------
هنصحى مع الشروق مع جبال الصحرا البيضا ونفطر وسط جمال الصحرا البيضا والجو الرائع ونتحرك نرجع الواحات نلف فيها شوية ونشوف بحيرة المأمور وجبل الأنجليز والدست والمغرفة وممكن لو فيه وقت ننزل بير المطار اللى هيه أسخن عين فى الواحات وبتوصل درجة حرارتها لـ 44 درجة مئوية مش أى حد يستحملها لكن مفيدة علاجياً ونعمل جولة تسويقية ونشترى زيت زيتون وتمر ودبس ونتحرك على القاهرة نوصل يوم الاحد 10 نوفمبر على الساعة 11م إن شاء الله.
---------------------------------------------------------------------------------------
الرحلة كلها سفارى ومغامرات فى الصحرا والجبال. النوم فى خيم ومنامات جاهزة معانا تحت السما وسط ملايين النجوم ومنظر عمرك ما شوفته قبل كده. متاح حمام متنقل جاف للسيدات فقط.
بالنسبة للرجالة دخول الحمام ورا الجبل 🙂 هيبقا معانا ميه بزيادة كافية لكل حاجة إن شاء الله.
مش هتحتاج فى الرحلة دى غير بطاقتك الشخصية أو جواز سفرك وشنطة هدومك وكاميرتك ومستلزماتك الشخصية شبشب - طاقية - حذاء رياضى ـ أو هايكنج وخلافه مع مراعاه برودة الجو بالليل هتحتاج ملابس تقيلة شوية.
العدد المطلوب : 24 فرد \ 36 فرد
الرحلة صحراوية بالكامل متاح حمام متنقل جاف للسيدات فقط وغير متاح حمامات للرجال إلا فى الصحرا. الحمام هيكون ورا الجبل 🙂 .... العودة إلى الطبيعة 😃
التحرك طوال فترة الرحلة بسيارات دفع رباعى 4×4 ( كل 6 أفراد فى عربية ) مع 4 أدلة صحراء من أمهر الناس هناك
هيكون معانا تصاريح من المخابرات وحرس حدود الواحات بالبيات 2 ليالى.
مستوى اللياقة المطلوب : متوسط
---------------------------------------------
ترتيب الجلوس فى الباص بأولوية الحجز
--------------------------------------------
الرحلة تشمل الوجبات الثلاث من ساعة الوصول للواحات وحتى المغادرة ولا تشمل افطار اليوم الأول.
غدا -+ عشا أول يوم
فطار + غدا + عشا تانى يوم
فطار + غدا تالت يوم
مشروبات وفاكهة وميه معدنيه طول الرحلة
الافطار إنجليزى : مربى - جبنة نستو - حلاوة - كيك - شاى بلبن - نسكافيه
الغدا : تونة وفول وجبنة وبيض
العشا ( الوجبة الأساسية ) : خضار ولحوم ومشويات وسلطة وشوربة + شاى بدوى + نسكافيه + مشروبات غازية + فاكهة
-----------------------------------------------------------------------------------------
التكلفة 5300 جنيه تشمل :
الإنتقالات من وإلى القاهرة بسيارات مكيفة
سيارات 4×4 طوال الرحلة ( كل 6 أفراد فى عربية )
7 وجبات فطار وغدا وعشا - مشروبات وشاى ونسكافية - ميه معدنيه - فاكهة
الاقامة فى خيم ثنائية مع توفر مراتب وسليبنج باج ومرتبة لكل فرد
ويمكن احضار معداتك الخاصة
-----------------------------------------------------------------------------------------
الرحلة لا تشمل أى مصروفات أخرى غير مذكورة ولا تشمل افطار اليوم الأول.
الدفع بإيداع بنكى لكامل المبلغ على حساب رقم 100021547365 البنك التجارى الدولى من أى ماكينة ATM CIB بدون الدخول للبنك.
التجمع فى ميدان عبد المنعم رياض بجوار جو باص
العدد 24\36 فرد في 2\3 ميكروباص تويوتا هاى أس على حسب العدد
والأولوية باسبقية الدفع
الحجز يبدأ من الآن وحتى إكتمال العدد وبأسبقية الدفع
فى حالة الغاء الحجز بعد 48 ساعة من الدفع لن يسترد إلا 50% من قيمة الحجز فقط مهما كانت الأسباب ويمكن أحضار بديل.
لا يمكن إسترجاع مبلغ الحجز بعد 28 أكتوبر نظراً لحجز الميكروباصات وسيارات الدفع الرباعى والوجبات وإستخراج التصاريح ويمكن إحضار بديل.
لأى إستفسارات
م. ياسر : 01063022060
الحجز بإرسال صورة إيصال الدفع والبيانات الشخصية ورقم التليفون وصورة البطاقة فى رسالة على الخاص بعد الأتصال أولاً لمعرفة توفر الأماكن.
***************************************************************************
الرحلة دسمة وشاقة ومكثفة للرحالة والمغامرين والمصورين وهواة الأستكشاف ولا تناسب تماماً هواة الرحلات والفنادق الـ 5 نجوم ولا تناسب مرضى العظام والفقرات.
***************************************************************************
لن يسمح بإحضار شنط سفر كبيرة نظراً لحمولة سيارات السفارى بالمعدات والحمام المتنقل والأكل والمياه والترابيزات والخيم والأغطية والمراتب وجراكن البنزين وحطب المطبخ.
-----------------------------------------------------------------------------------------
يمكن تعديل ترتيب البرنامج والتفاصيل حسب ما يستجد أثناء
التنظيم والتصاريح.
فى حالة عدم اكتمال العدد أو إلغاء الإيفينت لأى أسباب خارجة عن إرادتنا يتم إعادة المبالغ كاملة بالطريقتين المتبعتين فى الإرسال فققققققققققط وفى خلال أسبوع عمل.
***************************************************************************
رجاء قراءة تفاصيل الإيفينت جيداًاًاًاًاً قبل أى أستفسارات
Advertisement
Event Venue & Nearby Stays
177 Sherif st. Cairo, Cairo, Egypt, 4240101
